छत्तीसगढ़िया क्रांति सेना के नवा प्रदेश अध्यक्ष डॉ अजय यादव ल घोषित , छत्तीसगढियावाद ल आघु बढ़ाये बर तीन रंगिया लौठी धर करही बुता…

रायपुर : पूरा छत्तीसगढ़ म छत्तीसगढियावाद के डंका बजाइए, छत्तीसगढ़ म निमगा छत्तीसगढियावाद के अलख जगाइया छत्तीसगढ़िया क्रांति सेना के नवा प्रदेश अध्यक्ष डॉ अजय यादव छत्तीसगढ़िया ल बनाये गीस, जेखर घोषणा छत्तीसगढ़िया क्रांति सेना के प्रदेश संयोजक गिरधर बबा के कोती ले विधानसभा चुनाव के समीक्षा बइठक म करे गीस, डॉ अजय यादव ल छत्तीसगढ़िया क्रांति सेना के प्रदेश अध्यक्ष के रूप म घोषणा करे ल बाद बइठक म उपस्थित सबो सेनानी मन बधाई दिन अउ नवा जोस के संग नवा प्रदेश अध्यक्ष के संग बुता करे बर तइयारी करे के बात कहीन।

आप ल बता देन की डॉ अजय यादव छत्तीसगढ़िया मन के हक अधिकार के लड़ाई लड़त जेल यात्रा घलोक करे हे, जेखर परिणाम हे कि आज पूरा प्रदेश म छत्तीसगढियावाद के रददा म रेंगत युवा मन अपन आइकॉन मन के छत्तीसगढ़िया क्रांति सेना के संग कदम से कदम मिला के चलत हे, जइसे छत्तीसगढ़िया क्रांति से छत्तीसगढ़िया मन के हक अधिकार के लड़ाई बर सुरू ले बुता करत आये हे वइसने बुता निरंतर करत रही।

अउ छत्तीसगढ़िया क्रांति सेना के राजनीतिक विंग जोहार छत्तीसगढ़ पार्टी ह चुनाव म अपन पकड़ मजबूत करे बर राजनीतिक विचारधारा ल धर के जोहार छत्तीसगढ़ पार्टी के प्रदेश अध्यक्ष श्री अमित बघेल भइया के संग अवइया 2024 के लोकसभा चुनाव बर आपन नीव मजबूत करही जेखर से छत्तीसगढ़ म छत्तीसगढियावादी सरकार बनाये के सपना देखइया पुरखा मन के सम्मान हो सकें अउ संग म छत्तीसगढ़ ल युवा मन छत्तीसगढ़ म नवा दिसा मिल सकें।